Kreu i FRPD Belind Këlliçi ka akuzuar Ramën se po përdor thëniet e terroristëve të Al Qaedës.
Ky i fundit i referohet postimit te mengjesit te sotem te kryeministrit Edi Rama, i cili publikoi nje thenie te një imami, të quajtur Anwar al-Awlaki.
“Gabimin e bën duke mendur se ke të drejtë, kur nuk ke. Mëkatin e bën duke e ditur që nuk ke të drejtë”, shkruan Rama.
Por sipas informacioneve, ky imam është vrarë nga amerikanët më 30 shtator 2011. Urdhri për sulmin me dron ndaj tij u dha nga presidenti i asaj kohe, Barack Obama.
“Rama zgjohet dhe fle me fjalët e “shenjta” që kanë thënë terroristë të Al-Qaedës, sepse terrori është ëndrra e tij e modeli i tij. Imam Anwar Al Awlaki, “shenjtori” i Ramës, ka qenë për vite me rradhë në listën e zezë të SHBA, deri sa u vra me dron në vitin 2011!”-akuzoi Këlliçi.
/DRONI.al/
