30 mjeket dhe infermieret shqiptare kanë mbërritur në Brescia, një ndër zonat më të nxehta të pandemisë, por ata nuk janë ende në gjendje të fillojnë punë menjëherë.
Grupi i dërguar nga Tirana ka shkuar në Itali pa asnjë dokument që tregon arsimimin dhe specialitetin e tyre, ndaj Instituti i Shëndetit Publik në vendin fqinj do ti fusë në një provim për të kuptuar se ku mund të punojnë, përcjell Syri.net duke ju referuar burimeve nga e perditshmja italiane La Republica.
“Ne jemi mirënjohës për ardhjen e mjekëve dhe infermierëve nga Shqipëria, por për fat të keq mbetet një problem themelor: prania e personelit të specializuar për kujdes intensiv. Ata u prezantuan pa një dokument që vërteton aftësitë e tyre dhe do të bëjnë një provim brenda ditës për të kuptuar se në çfarë sektori do drejtohen”, shprehet për “La Repubblica”, menaxheri i përgjithshëm i spitalit civil në Brescia, Gianmarco Trivelli.
“Shqiptarët mezi presin të hyjnë në punë menjëherë dhe tashmë kanë vizituar Spitalet Civile dhe shprehen të gatshëm për të ndihmuar. Ata janë vendosur në një hotel afër spitalit dhe tregojnë se “kjo përvojë do të na shërbejë sepse nëse gjërat shkojnë keq në Shqipëri do të kemi përvojën e nevojshme. Kjo është shtëpia jonë, ne jemi në Brescia dhe kemi një dëshirë të madhe për të ndihmuar”, shtoi ai.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
