Në një shkrim të gazetës zvicerane, Neue Zuercher Zeitung, thuhet se sistemet shëndetësore në vendet e Ballkanit do e pësojnë rëndë nga kjo valë infeksionesh.
Në shkrim thuhet se çdo vite, mijëra mjekë dhe infermierë largohen nga çdo vend i rajonit. Spitalet dhe sektori shëndetësor janë të nënfinancuara.
Gazeta boton edhe dy statistika që tregojnë qartë se përse në Shqipëri duhet të jemi më të shqetësuar për situatën.
E para tregon numrin e shtretërve në spital për 100 mijë banorë. Shqipëria bashkë me Kosovën janë më keq. Kosova ka diçka më shumë se 200 shtretër, Shqipëria shkon pranë 300. Në krahasim me vendet e rajonit, Gjermania ka mbi 800 shtretër për 100 mijë banorë.
Më e frikshme bëhet statistika te numri i mjekëve për 1 mijë banorë. Shqipëria ka vetëm një mjek për 1 mijë banorë, Gjermania ka të paktën 4.
Numri i shtretërve në spital për 100.000 banorë
Numri i mjekëve për 1.000 banorë
/DRONI.al/
