Një 43-vjeçar u bë viktima më e re e koronavirusit në Shqipëri. Ai nuk kishte probleme shëndetësore, por ishte obez.
Gazetari Erjon Skëndaj tha në një lidhje live për News24 nga Spitali i Infektivit se pacientët e prekur nga COVID-19 mund të kenë komplikacione në pak minuta, gjë që çon në humbjen e jetës.
Referuar viktimës më të fundit, një 43-vjeçari nga Kavaja, gazetari u shpreh se ai ndodhej në terapi intensive dhe me sistem të drejtuar të frymëmarrjes.
“Pas përkeqësimit të shëndetit, ka ndërruar jetë. Komplikacionet e mbrëmjes e kanë bërë të mundur që të qëndrojë në jetë, pavarësisht se ishte vendosur në terapi intensive dhe me sistem të drejtuar të frymëmarrjes. Kur pyeta mjekët pak ditë më parë lidhur me gjendjen e pacientit, më thanë se është mbi mesataren e rrezikut, ndërsa sot fatkeqësisht ka ndërruar jetë.
Gjatë orëve të fundit kanë ardhur shumë ambulanca me të dyshuar si të infektuar me COVID-19. Të gjithë personat që vijnë janë në gjendje të agravuar, por jo deri në atë pikë sa të intubohen. Ndërkohë, tek Infektivi janë edhe tre persona të tjerë mbi mesataren. Komplikacionet vijnë në pak minuta dhe e vështirësojnë jetën e pacientëve”, tha gazetari.
/DRONI.al/
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
