Ndërron jetë edhe një tjetër mjek italian që kishte dalë pozitiv në testet për koronavirusin. 57-vjeçari punonte në një spital në qytetin e Codogno.
Marcello Natali u transferua në Milano ku u diagnostikua me pneumoni të dyfishtë. Në një nga intervistat e fundit që dha para se të testohej për COVID-19, ai i tha Euronews se duhej të punonte pa doreza:
“Ato kanë mbaruar”, tha ai duke shtuar: “Ne nuk ishim të përgatitur për koronavirus: si doktorë të epokës pas antibiotikut, ne u rritëm duke menduar se një pilulë kundër gjithçkaje ishte e mjaftueshme”.
Ai gjithashtu tha që në Codogno dhe një qytet të afërt, Casale, 14 nga 35 mjekë ishin në karantinë ose ishin shtruar në spital që nga 28 shkurti.
Vdekja e Marcello Natalit u konfirmua nga një përfaqësues i Federatës Italiane të Praktikuesve të Përgjithshëm, i cili tha se vuante dhe vetë nga pneumonia e dyfishtë për shkak të koronavirusit.
/DRONI.al/
