“Kam frikë për shokët dhe familjarët”, I riu nga karantina e Infektivit: Kam 36 orë dhe askush nuk më informon

31-vjeçari, që sipas të dhënave zyrtare rezulton pacienti i dytë zero dhe njëherësh personi i 6 i infektuar nga koronavirusi thotë se ka 36 orë në karantinë te Infektivi dhe askush nuk i ka konfirmuar përgjigjet e analizave.

I riu kishte udhëtuar nga Milano në vendin tonë dhe sapo kishte shfaqur simptomat kishte telefonuar në 127.

“Unë jam 31 vjeçari për të cilin Ministria e Shëndetësisë dhe Erjon Braçe pretendoi se jam infektuar me koronavirus. Këtu jam te karantina, jam izoluar që prej orës 00:00 të natës së të dielës. Nuk më kanë sjellë asnjë përgjigje që jam me koronavirus, infermierët këtu nuk e pranojnë që jam me koronavirus. Nuk arrij të kuptoj këtë lojën që publikisht nxjerrin të dhënat e mia dhe thonë se jam me koronavirus ndërkohë këtu nuk vjen askush të ma konfirmojë. Se kuptoj se pse po e bëjnë këtë propagandë në emër timin. Nëse telefoni është i fikur më vonë do të thotë se ma kanë bllokuar këta. Nuk është normale të rrish më shumë se 36 orë në karantinë pa marrë një përgjigje”.

Ai tregon se kishte udhëtuar në të njëjtin avion me gruan nga Lushnja e cila pak ditë më parë ishte paraqitur në Infektiv dhe menjëherë më pas kishte shkuar vetë me këmbët e tij dhe kishte insistuar për të bërë tamponin.

Për gruan nga Lushnja u tha se kishte qenë negative me koronavirus, por duket se nuk ka pasur të njëjtin fat i riu që ka udhëtuar me të.

Derimë tani numri i të prekurve nga koronavirusi në vendin tonë ka shkuar në 6, 5 nga e njëjta familje.

vijon..

/DRONI.al/

/DRONI.al/