Qytetarët janë sensibilizuar tashmë për rrezikun që paraqet koronavirusi për shëndetin e tyre dhe në mënyra të ndryshme përpiqen të informojnë.
Pas konstatimit të të infektuarit të parë, një 28-vjeçari dhe më pas të babait të tij, qytetarët vetë kanë dhënë informacione se kush ka pasur kontakte me ta ditët e fundit dhe kanë zgjeruar rrezen e personave me të cilët ata kanë kontaktuar.
Ish_kryeministri Sali Berisha ka publikuar denoncimin e një qytetari me këtë shënim: “I infektuari me koronavirus merr pjesë në ceremoni mortore në Pukë! Lexoni denoncimin e qytetarit dixhital,” shkruan Berisha.
“Mirëmbrëma z.Berisha!
Njëri nga pacientët e shtruar në QSUT për koronavirus, sipas informacioneve, është nga Puka. Ai ka rreth 20 ditë që shëtit lirshëm.
Më datë 8/03/2020 ai ka qënë në një ceremoni mortore, në një fshat të Pukës, Gomsiqe, ku është takuar me shumë njerëz! Anonim ju lutem….”,-thuhet ne mesazh.
/DRONI.al/
