Shqipera zyrtarisht eshte e prekur nga koronavirusi, ku deri tani flasim per 2 te infektuar. Vendi filloi te marre masa dhe nje prej tyre është shmangia e hapësirave publike ku mblidhen turma të mëdha njerëzish.
Kjo është dhe arsyeja pse “Në kurthin e Piter Panit” nga moderatorja Alketa Vejsiu është zhvilluar mbrëmjen e sotme pa praninë e publikut.
Moderatorja iu ka bërë të gjithëve thirrje të qëndrojnë në shtëpi dhe të kenë sa më shumë kujdes për veten.
Në ekran u shfaqën disa nga këshillat bazë të cilat Alketa i lexoi në emision. “Mbani distancë nga njerëzit që kolliten apo tështijnë”, “Shmangni prekjen e fytyrës dhe lani duart sa më shpesh”, “Fërkojini duart për të paktën 20 sekonda me ujë të ngrohtë dhe sapun”, “Qëndroni në shtëpi për të ndaluar përhapjen e sëmundjes”, etj.
Sakaq dhe emisioni i pasdites me Bieta Sulon ne Top Channel u zhvillua pa pranine e publikut dhe si duket situata do te vijoje e tille deri ne normalizimin e situates.
/DRONI.al/
