Shtëpia e Bardhë e pranoi se në SHBA nuk ka mjaftueshëm kuti testimi për koronavirusin. Ky paralajmërim vjen në kohën kur sëmundja po përhapet në të dy brigjet amerikane.
BBC shkruan se Zëvendëspresidenti Mike Pence tha se administrata e Trump nuk do jetë në gjendje të përmbushë objektivin e saj për të ofruar 1 milion kuti testimi këtë javë.
Por, shtoi se deri në fund të javës së ardhshme, 1.2 milione amerikanë do të mund të testohen.
Kongresi, në anën tjetër, u mblodh me shpejtësi të pazakonshme për të miratuar një paketë emergjente ndihmash, për të luftuar shpërthimin e koronavirusit.
Në SHBA, numri i të vdekurve aktualisht është 12, ndërsa të infektuar janë mbi 200.
/DRONI.al/
