Prania e ish kryebashkiakut të Durrësit, Vangjush Dako, në punimet e Kongresit të PS, nuk i ka shpetuar Sekretarit të Përgjithshëm të PD, Gazment Bardhi.
Përmes një postimi në Facebook, numri dy i selisë blu teksa rreshton akuzat ndaj Dakos, shprehet se, me Edi Ramën në krye, PS mbetet një parti e kriminalizuar.
“Vangjush Dako në krye të vendit, non grata në SHBA, nën hetim për vjedhjen e zgjedhjeve në bashkëpunim me bandën e trafikantëve nderkombëtare të drogës dhe qënieve njerëzore, vazhdon dhe merr vendime në PS e Edi Ramës. Pavarësisht fasadës dhe ngjyrave, Partia Socialiste me Edi Ramën mbetet një parti e kriminalizuar, që ka në drejtim dhunuesit e grave!“, shkruan Bardhi në reagimin e tij.
/DRONI.al/
