Bashkëshortja e basketbollistit Kobe Bryant, Vanessa theu për herë të dytë zemrat me fjalimin që mbajti në hapjen e ceremonisë, me një mesazh të ndjerë që i drejtohej bashkëshortit dhe vajzës.
Homazhet publike për humbjen e Kobe Bryant dhe vajzës së tij Gianna u mbajtën ditën e djeshme në “Staples Center” në Los Angeles.
20.000 bileta dolën në shitje dhe u blenë menjëherë nga fansat e kampionit të basketbollit, të cilët kanë nderuar dje Bryant dhe vajzën e tij.
“Zoti vendosi që ne të mos jemi në këtë botë së bashku. Zemër, kujdesu për Gigi-n tonë dhe unë do të kujdesem për Nani-n, Bibi-n dhe Coco-n. Ne vazhdojmë të jemi skuadra më e mirë. Ju duam dhe na mungoni ti dhe Gigi. U prehshit të dy në paqe dhe kënaquni në parajsë, derisa të takohemi sërish një ditë. Ju duam të dyve dhe do të na mungoni përgjithmonë.”– tha ndër të tjera Vanessa me lot në sy.
https://www.youtube.com/watch?v=o1Z92R0Qtf0
https://www.youtube.com/watch?v=Wwui7aRsooE
/DRONI.al/
