Policia ka arrestuar nje tjeter person për shkatërrim të pronës dhe prishje të qetësisë publike.
Arrestimi erdhi pas ngjarjes ku u shkaterrouan stolat e stadiumit “Air Albania” dhe u hodhën sende të forta në fushë gjatë ndeshjes Tirana-Kukësi.
“Nga Specialistët për Hetimin e Krimit në Komisariatin e Policisë Nr. 1 Tiranë është bërë i mundur identifikimi, kapja dhe arrestimi në kushtet e flagrancës, për veprat penale “Shkatërrimi i pronës” dhe “Prishja e qetësisë publike”, i shtetasit:F. Z., 19 vjeç, banues në Tiranë”,-njofton policia.
Nga tërësia e veprimeve procedurale të kryera nga ana e Policisë ka rezultuar se gjatë zhvillimit të ndeshjes Tirana – Kukësi, ky shtetas ka thyer stolat e stadiumit dhe ka hedhur sende të forta në fushën e stadiumit “Air Albania”, Tiranë.
Vijon puna për kapjen e personave të shpallur në kërkim dhe identifikimin e personave të tjerë të përfshirë në këto veprime të kundërligjshme.
Materialet procedurale i kaluan Prokurorisë së Rrethit Gjyqësor Tiranë, për veprat penale “Shkatërrimi pronës” dhe “Prishja e qetësisë publike”.
/DRONI.al/
