”Merrni masa konkrete për kontrollin e qytetarëve nga Italia”, Basha thirrje: Siguroni kushte dhe jo ‘show’

Kryetari i PD, Lulzim Basha kembengul qe qeveria te tregohet serioze ne marrjen e masave per koronavirusin, pas alarmit dhe situates ne Itali.

Kryeopozitare ka reaguar se fundmi, duke i kërkuar qeverisë të forcoje kontrollet ne te gjitha pikat hyrese, sidomos nga Italia, rajoni ku ka perhapje me te madhe te koronavirusit.

Basha kujton ketu dhe banoret e prekur nga termeti, te cilet ne pamundesi per te qene ne strehe normale, rrezikojne te mos krijojne kushtet e para higjienike qe do ti mbrojne nga mdonje virus i mundshem.

Deklaratë e kryetarit të PD, Lulzim Basha

Qeveria duhet të ndalë menjëherë propagandën dhe të marrë masa konkrete për kontrollin e qytetarëve që vijnë nga Italia, kryesisht nga rajonet ku corona virusi ka përhapjen më të madhe.

Këto masa nuk mund të jenë show televiziv, por kontrolle të plota në të gjitha pikat hyrëse në Shqipëri. Është urgjent hartimi dhe shpallja e planit të masave dhe informimi i qytetarëve si duhet të veprojnë në rast të dyshimit se janë të prekur nga corona virus.

Ndërkohë  që Shqipëria ndodhet përballë  rrezikut potencial të prekjes nga corona virus, mijëra bashkëqytetarë ndodhen në kushte të mjerueshme  për shkak të tërmetit të 26 nëntorit. Në mungesë të një strehe  ata jetojnë ende në çadra ose janë rikthyer në banesat e dëmtuara, në kushte aspak të favorshme higjenosanitare dhe me mungesa të theksuar në ushqime.

Është neglizhencë kriminale të humbet akoma kohë, kur duhen marre masa urgjente për strehimin apo sigurimin e konteniereve për banorët që jetojnë në  çadra, çka ka sjellë dhe gjendje të rënduar shëndetësore dhe kushte aspak të përshtatshme higjeno-sanitare për ta.

Njerëzit janë të shqetësuar me të drejtë, ndaj është koha që të flasin mjekët dhe të izolohet propaganda.

Dhe njëherë u bëj thirrje qytetarëve që të mos neglizhojnë asnjë shenjë rëndimi apo përkeqësimi të shëndetit të tyre por t’u drejtohen mjekëve dhe specialistëve të fushës. Ne kemi personel të shkëlqyer mjekësor që nuk kërkon asgjë më shumë se plotësimin e kushteve dhe nevojave për të përballuar çdo situatë

Detyra e qeverisë është të sigurojë këto kushte dhe jo të bëjë show dhe propagandë. Jam i bindur se nëse vihen në dispozicion mjetet e nevojshme, mjekët tanë do të përballojnë me sukses çdo situatë që mund të krijohet.

/DRONI.al/

/DRONI.al/