Nuk do ta besoni, por kjo është çështja më e përfolur për momentin në polici, sipas Gazetës SI. Madje edhe në prokurori. Qarkullon në formën e barsoletës, por veç humorit është një dosje që pret zgjidhje serioze.
Një burrë që i vijnë fotot intime të koleges në telefon, bashkëshortja që hap telefonin dhe zbulon “afrimitetin” dhe në anën tjetër të telefonit “kolegia”. Palët nisin sherrin dhe grindjen dhe normalisht që fabula është e njohur, bashkëshorti mohon gjithçka, po ashtu edhe kolegia mohon, ndërsa gruaja këmbëngul se aty ka tradhti. Në fund ndërhyn policia, e cila merr dëshminë dhe kallëzimin e “koleges” së fyer dhe përgatit procesverbal ngjarjeje.
Çfarë ndodhi?
Siç thuhet më tej në materialin që Gazeta “Si” disponon, gruaja ka telefonuar “kolegen”, duke i thënë “Të të vijë turp, je edhe police”. Por grindja mes çiftit është bërë akoma më shqetësuese, kur nga njëra anë bashkëshortja ka kërkuar llogari, ndërkohë që polici ka thënë “Nuk e kam idenë kush m’i ka nisur fotografitë, atë numër nuk e kam të regjistruar”. Ndërkohë që kolegia këmbëngul mbi shoqërinë me policin. I gjithë ky sherr me kanosje e kërcënime, u referua nga policia për t’u zgjidhur në organin e akuzës. Sidoqoftë, mund të jetë dhe një keqkuptim dhe jo siç dyshon bashkëshortja, e cila nuhat era “tradhti”.
Gjithçka është referuar nga Policia e Shtetit këtë të martë, me kërkesën për të sqaruar këtë histori.
Marrë nga Gazeta Si
