IKMT do të rikthehet te zona e Astirit me te tjera shembje te banesave të banorëve, fakt i cili eshte konfirmuar dhe nga ish-deputeti Klevis Balliu.
Klevis Balliu, ish-deputeti i PD, në mbrojtje të të drejtave të banorëve të Unazës së re, ka bërë të ditur sot se ata janë njoftuar nga IKMT-jka se ditën e hënë do t’u prishen banesat.
Balliu e ka publikuar këtë lajm bashkë me foton dhe ka reaguar ashper duke u shprehur se këto shembje po ndodhin në një kohë kur për segmentin ku do të shemben banesat, punimet qenë anuluar dhe nuk ishte bërë asnjë tenderim i ri.
“Sot IKMT, e shoqëruar nga qindra forca Policie, është sulur në një mision totalisht të paligjshëm për të informuar se ditën e hënë shtëpitë në Lotin 2 në projektin famëkeq të Unazës, ku për 40 milion euro nuk u arrestua askush përveç banorëve, do të shemben.
Loti 2 është i anuluar dhe nuk është bërë një ritenderim, pra nuk ka as kompani as projekt, çka në fakt është e vërtetë për të gjitha lotet.
Por në rastin konkret, nuk ka as një tenderim të projektit. Pra thjesht bëhet fjalë për oreksin e pushtetarëve që të shkatërrojnë shtëpitë e qytetarëve për të ndërtuar kullat e oligarkëve.
Praktikisht shteti po vjedh shtëpitë për të pastruar paratë e drogës me Erion Veliajn, lavatriçen më të madhe të Europës.Ky është një akt i turpshëm barbar, që do të thotë se sot Shqipëria s’ka as ligj, as Kushtetutë dhe as shtet.”,-denoncon ish-deputeti.
https://www.facebook.com/klevisballiufaqjazyrtare/posts/2448532405476563?__xts__[0]=68.ARDYZX3dLZ1Pe7c4T0B4743cYMkZxIcwAI5cmMvwVTpf5q2XudGnzMrtyc89ZpCg56dbELfpxvdGzcVP_GazCm3pzL16cbC6e62eo9BYVeG5mdWVFB8-cRu3FhafxZ_WY6hr7yJeG9FL6GvnFsfGs0ooZ5wajxLY5l3BujryDDYqgV3zbhDiVRvztBkOIaqzIgpnRvi3GrMTlXV0tqXWTR14LwfE6901NJjpSY3PumeQP6FiNi8IBVrech-ACLAd4qFPDRU5DwtBdaSBcJvzh-2TMWPQx9347tHJaMjLorHdNL6NMhI6jha9GGfhBhBeE2LTbfZcZz6gRpzZb2YPx48zd2F8&__tn__=-R
/DRONI.al/
