Mblidhet KQZ pas kërkesës së Prokurorisë, kush është këshilltari i Bashkisë që do t’i hiqet mandati

Prokuroria e Përgjithshme i ka kërkuar Komisionit Qendror të Zgjedhjeve që t’i heqë mandatin këshilltarit bashkiak të Kamzës, Mirush Dema, ndersa mesohet se Kqz do te mblidhet te merkuren per te shqyrtyar shkarkimin e 28-vjeçarit.

Pas një verifikimi të thelluar të 28-vjeçarit, prokurori i Prokurorisë së Përgjithshme, Adnan Xholi, ka dalë në përfundimin se subjekti në fjalë është në kushtet e ndalimit të ushtrimit të funksionit si anëtar i Këshillit Bashkiak në Kamzë.

Nga hetimet e kryera, Dema rezulton se është dënuar në Zvicër, pasi i ka dhënë disa doza heroinë një punonjësi policie atje. Në Zvicër, Dema është dënuar me gjeneralitetet Mirush Troca.

Por në formularin e vetëdeklarimit, ai ka sqaruar se më herët ka mbajtur mbiemrin Troca dhe më pas e ka kthyer në Dema, pasi është martuar. “Interpol Bern/ Zvicër ka njoftuar se shtetasi Mirush Troci, i pajisur me pasaportë shqiptare e vlefshme deri më 24.04.2021, është ndaluar për herë të parë nga autoritetet zvicerane në datën 27.11.2014, ku ka rezultuar se nuk ishte pajisur me leje qëndrimi zvicerane.