Ekspertët e OSBE-ODIHR ndodhen sot në Tiranë për reformën zgjedhore. Ata do të zhvillojnë takim me Këshillin Politik në orën 17:00 për reformën zgjedhore.
Dy bashkëkryetarët e Komisionit Parlamentar për Reformën Zgjedhore Damian Gjiknuri dhe Rudina Hajdari i patën kërkuar zyrtarisht OSBE-ODIHR që të dërgojnë një ekspert që do të punojë së bashku me ekspertet vendas në hartimin e drafteve përfundimtare.
Për këtë reformë janë caktuar 6 ekspertë ligjorë për hartimin e reformës, ndër to dy nga opozita joparlamentare, dy nga Komisioni për Reformën Zgjedhore (mazhoranca dhe opozita parlamentare) dhe dy të jashtëm.
Ekspertët e ODHIR do të ndërhyjnë për pikat që palët nuk bien dakord si dhe do të shikojnë nëse dokumenti që do përgatitet nga pala shqiptare është në përputhje me rekomandimet e bëra nga ODHIR.
Opozita brenda dhe jashtëparlamentare në Shqipëri, si dhe mazhoranca, kanë premtuar që të mbyllin Reformën para datës 15 Mars.
/DRONI.al/
