Situata aktuale meteorologjike do te vijoje me erë të fortë si dhe do të krijojë kushtet për kthjellime në orët në vijim dhe me rënie të mëtejshme temperaturash gjatë mbrëmjes, parashikon Shërbimi Meteorologjik Ushtarak.
Sipas SHMU, do të mbizotërojë moti i kthjellët, ndërsa në veri përsëri vranësira mesatare. Era veriore, do të humbë gradualisht forcën e saj, por përsëri në bregdet hera herës do të jetë e vrullshme, duke u shoqëruar me valëzim të forcës katër.
Temperaturat negative gati në të gjithë vendin, do të krijojnë kushtet për ngrica në rrugë. Temperaturat parashikohen në:
zonat malore -8ºC deri në 0ºC;
zonat e ulëta -2ºC deri në 12ºC;
zonat bregdetare -1ºC deri në 13ºC.
Te njejtat vlera priten te jene dhe ne fundjave, ku parashikohet te kete kthjellime dhe diell.
/DRONI.al/
