Diten e sotme, pas dy muajsh, qeveria ne bashkepunim dhe me instanca te larta te BE, arriti te publikonte shifren zyrtare te demeve qe Shqiperia mori nga goditja e termetit shkaterrimtar te 26 Nentorit.
Shifra ishte rreth 900 milionë euro, por sipas publikimi i Vlerësimit të Nevojave pas Katastrofës për rimëkëmbjen e Shqipërisë, per t’u rimëkëmbur e gjitha, duhet rreth 1 miliardë euro.
Vlerësimi i Nevojave pas Katastrofës (VNPK) pas tërmetit që goditi Shqipërinë më 26 Nëntor 2019 u publikua sot për të shërbyer si bazë për mobilizimin e komunitetit të donatorëve për fazën e rimëkëmbjes.
Sipas njoftimit, vlerësimi, i përgatitur bashkërisht nga Qeveria e Shqipërisë, Bashkimi Evropian, Kombet e Bashkuara dhe Banka Botërore, zbulon se efektet totale të katastrofës në njëmbëdhjetë bashkitë e prekura arrijnë në mbi 980 milionë Euro.
Për të kapërcyer efektet e dëmit dhe të ardhurave të humbura si rezultat i tërmetit, vlerësimi arriti në përfundimin se do të duhen gati 1.08 miliardë Euro në të gjithë sektorët për rimëkëmbje.
/DRONI.al/
