Një ditë pas daljes së parë në terren të strukturës speciale të quajtur “Operacioni Forca e Ligjit”, që vuri nën sekuestro resortin në pronësi të Altin Hajrit në Shijak, i dyshuar për marrjen peng të Jan Prengës në Kamzë, sot ka një tjetër goditje.
Këtë e ka bërë me dije mbrëmë në Open në Top Channel, zv-ministri i Brendshëm Julian Hodaj. Sipas tij, sot do të ketë një tjetër aksion, por nuk ka ende detaje se ku do të godasë këtë herë OFL.
Ndërkohë që zëvendës ministri tjetër i Brendshëm, Besfort Lamallari ka dhënë detaje në emisionin Opinion, sa i përket kësaj pakete.
“Përveç informacioneve që ka task-forca, kanë ardhur shumë informacione edhe nga ndërkombëtarët, Europol, Interpol, partnerët ndërkombëtar. Ne vazhdimisht kemi kërkuar që jo vetëm të shkëmbejmë sa më shumë informacion, para dy muajsh ne avancuam në një marrëveshje shumë të rëndësishme në nivel të Europës Juglindore për shkëmbimin e të dhënave në mënyrë automatike. Përfshihen gjurmët e gishtave, të profileve të ADN dhe të dhënave të automjeteve. Që do të thotë unë marrë akses në Austri në Serbi kudo, mjafton të gjej një gjurmë gishti këtu.Nga informacionet e para mendohet se janë rreth 250 subjekte të cilat do të kalojnë në filtrat e Operacionit Forca e Ligjit, dhe që kryesisht janë në qarqet më të mëdha të vendit”,-u shpreh Lallamari.
Nga ana tjeter, po në emisionin “Opinion”, drejtuesi i saj Blendi Fevziu në një moment të caktuar, duke debatuar me zëvendësministrin e Brendshëm Besfort Llamanari, bëri një pyetje retorike dhe një sugjerim për OFL.
“E di që një prej vilave që ndodhet në periferi të Tiranës ka 500 e ca mijë euro sistem alarmi. Kush është ky bandit që harxhon gjysmë milioni euro për t’u ruajtur? Nga kush trembet, nga qentë apo nga zogjtë?!”, tha Blendi.
/DRONI.al/
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
