Zgjerohet zona e kerkimit, specialet po gjurmojne ne ujerat e Erzenit per Jan Prengen

Polica zgjeron hartën e kërkimeve për të gjetur trupin e pajetë të Jan Prengës dukenperfshire edhe vendet e fshehura apo zonat ujore. ABC News transmetoi sot se po kërkohet edhe në lumin Erzen pasi dyshohet që mund të jetë hedhur në ujë ose mund të jetë gruposur diku afër lumit. 49-vjeçari u mor peng më datë 17 janar në rrugën “London” në Kamzë. Pas futjes në makinë ai është rrahur, dhe goditur, ku si pasojë e goditjeve të marra në Kamzë dhe humbjes së gjakut, ka ndërruar jetë gjatë rrugës për ta transportuar për në resortin “Golden”, në Shijak,  aty ku do mbahej peng.

RENEA ka zhvilluar sot një operacion në Shkodër, ku janë shoqëruar dy persona të familjes Doçi të dyshuar si të përfshirë në pengmarrjen e Prengës. Ndërkohë më herët Policia ka arrestuar tre vëllezërit Hajri, Bajram Hajri, Elton Hajri dhe Leonard Hajri pronarë të resortit Golden në Shijak, ku Jan Prenga u mor peng dhe u dhunua derisa gjeti vdekjen, ndërsa kamerat e sigurisë kanë filmuar të gjithë skenën. Bashkë me ta u arrestua Olsi Turja dhe Festim Bezhdili. Ndërkaq, një nga personat e shpallur në kërkim është edhe një biznesmen me mbiemrin Doçi.

Sipas hetimeve 49-vjeçari nuk kishte lidhje të drejpërdrejtë me autorët, por shkak ka qenë konflikti i vëllait të tij në Angli për një ngarkesë lëndë narkotike. Madje nga përgjimet e policisë rezulton sëe i vëllai ka komunikuar me familjarët, ku u kërkon të mos kenë kontakte me policinë dhe se Jani është mirë. Po ashtu burime nga grupi hetimor qe po merren me zbardhjen e ngjarjes se rrëmbimit, familjarët e viktimës kanë dërguar më herët një pajtues gjaqesh në Shkodër.

Kjo është bërë për të folur me familjen Doçi që të lirohej Jan Prenga dhe duke dhëne siguri se do kthehej kokaina e grabitur. Në përgjime rezulton se Gentian Doçi ka folur me Astrit Prengën ku e kërcënuar në lidhje me te vëllain. Sipas burimeve i gjithë rrjeti i trafikut drejtohet nga burgu i Ekuadorit aty ku është i ndaluar që prej vitit 2014 personi nga Vlora me inicialet D.R. Në bazë të përgjimeve të kryera për zbardhjen e kësaj ngjarje ka dalë edhe telefonata nga burgu i Ekuadorit. Duhet theksuar fakti që D.R është përgjuar gjatë gjithë kohës dhe është zbardhur edhe planifikimi i rrëmbimit. Mësohet se D.R është personi kyç për rrëmbinin e 49-vjeçarit Prenga në Kamëz.

Sipas News24, D.R është Dritan Rexhepaj.

Në një lidhje direkte për News24, gazetarja Klodiana Lala deklaroi se urdhri për rrëmbimin e 49-vjeçarit më 17 janar të këtij viti u dha nga një burg në Ekuador, ku vuan dënimin shqiptari Dritan Rexhepaj. Sipas Lalës, duke u bazuar tek dosja hetimore, Rexhepaj është një emër i skeduar nga policia, pasi akuzohet për vrasjen e disa policëve në Krujë, ndërsa pas krimit u arratis.

Ajo theksoi se ka qenë pikërisht Rexhepaj ai që ka bërë lidhjen mes grupit kriminal në Britani, ku ka njoftuar për humbjen e ngarkesës prej 300 kg kokainë, për të cilën u fajësua vëllai i Jan Prengës, Astrit Prenga.

“Urdhri për rrëmbmin e Jan Prengës u thur nga një burg i Ekuadorit. Atje mbahet prej disa vitesh Dritan Rexhepaj (Gramoz Rexhepi apo Lulzim Murataj). Ai është i njohur nga policia, pasi akuzohet për vrasjen e oficerëve të policisë së Krujës. Ai kërkohej nga 4 shtete europiane, Spanjë, Belgjikë dhe Britania e Madhe. Nga burgu, ku ndodhet Rexhepi, kur një sasi droge u zhduk, ai ka kontaktuar me krerët e grupeve kriminale dhe ka urdhëruar marrjen peng të Jan Pregës me idenë që të ushtronte presion ndaj vëllait të tij. Këto biseda janë përgjuar nga autoritetet. Dje News24 publikoi inicialet e 4 personave që urdhëruan pengmarrjen. Kur RENEA përfundoi sot aksionin në Shkodër, ku kontrolloi magazina e banesa, News24 bën të ditur emrat e personave që po kërkohen. Bëhet fjalë për Gentian Doçin, biznesmen i njohur, si personazh kyç që cilësohet në këtë histori dhe miqtë e tij; M.Bleta dhe Korado.G, që po kërkohen nga Policia e Shtetit. “News24’ ka siguruar dosjen e Dritan Rexhepajt, i cili ka bashkuar 3 grupe kriminale, nga Vlora, vend nga i cili është, Shijaku, dhe Gentian Doçi nga Shkodra”, tha Lala

/DRONI.al/