Top Channel ka paditur në Gjykatën e Rrethit Tirane aktoren Delinda Disha. Sipas mediave, ‘Top Channel’ ka paraqitur si provë në gjykatë kontratën e Delindës me “ Portokalli”; kontratë 2-vjeçare që fillonte nga viti 2017-2019.
Në të njëjtën kohë, pala tjetër ka paraqitur një kontratë tjetër të aktores, në periudhën 2017-2018.
Delinda akuzohet se ka shkelur kontratën dhe ka nxjerrë sekrete artistike. Megjithatë, e kontaktuar nga mediat, ajo është shprehur: “Do vazhdoj dhe këtë sezon me role shumë të dashura për publikun çdo të shtunë në mbrëmje në Klan”, duke preferuar të mos japë detaje për ngjarjen e mësipërme.
Disha, para disa muajsh u largua nga spektakli ‘Portokalli’ për të shkuar në ‘Klanifornia’, aty ku po performon ne disa role.
/DRONI.al/
