Është shtyrë sërish seanca gjyqësore për Arbër Cekajn, Donaldo Lushajn dhe Armando Pezakun në Gjykatën e Posaçme, ku ishte parashikuar mbrojtja dhe vendimi.
Shkak u bë mungesa e njërit prej antarëve të trupit gjykues, gjyqtarja Ilirjana Olldashi.
Kujtojmë se Çekaj ka kallëzuar në SPAK prokurorin e çështjes, Ervin Kondili dhe oficeren e policisë gjyqësore Migena Haxhi. Ai pretendon se ka një akt të falsifikuar në lidhjeje me hyrje-daljet e tij në sistemin TIMS.
Për Arbër Çekajn, i arrestuar pas sekuestrimit të 613 kg kokainë në magazinat e tij në Durrës, është kërkuar 21 vite burg. Për shoferin Armando Pezakun është kërkuar 8.8 vite burg, ndërsa për menaxherin e kompanisë, Donaldo Lushaj, është kërkuar 14 vite burg.
/DRONI.al/
