Një ditë pasi i dha lamtumirën e fundit të atit, Bora Ferri, vajza e artistit të mirënjohur Xhevdet Ferri ka vendosur të flasë me fjalë zemre për babanë e saj që tashmë nuk është më, duke sqaruar edhe problemin shëndetësor që rezultoi fatal për jetën e tij.
Ajo tregon se ai kishte kaluar një sëmundje të rëndë që nuk e kishte mposhtur dot me sukses, një insuficiencë e rëndë pulmonare (mosfunksionimi i mushkërisë). Bora Ferri thotë mes dhimbjes se zgjodhën të mos mbajnë homazhe publike për aktorin e madh të kinematografisë shqiptare për të respektuar vetë dëshirën e këtij të fundit, vullneti i të cili ishte që edhe në jetën e përtejme t’i ruhej diskrecioni që kishe zgjedhur të mbante gjatë jetës së vet.
“Dy fjale ne diten me te zeze te jetes sime dhe te mamit….
1. Falenderime te pafundme dhe mirenjohje te thelle per gjithe ngushellimet dhe suportin e miqve, dashamiresve dhe gjithe atyre qe e kane dashur Xhode Ferin, qofshin ata te aferm apo te larget. Ne pamundesi per t’ju falenderuar nje nga nje, ju lutem pranoni keto falenderime publike.
2. Falenderime per mediumet e lajmeve qe kane percjelle me shume respekt e dashamiresi jeten dhe karrieren e babit, duke patur mirekuptimin por dhe hermetizmin tone te plote.
3. Ndjej qe duhet te sqaroj arsyen e ndarjes nga jeta te babit, per efekt qartesie te informacionit. Eshte e vertete qe ai kishte kaluar nje semundje te rende, te cilen e kishte mposhtur me sukses.
Arsyeja fizike pse na la ishte nje insuficience e rende pulmonare, te cilen nuk mundi ta mposhtte. Falenderime per ekipet e spitali qe u perpoqen me gjithe forcat dhe kapacitetet e tyre per ta shpetuar. I provuam te gjitha, pa pishman!
4. Ndersa per sa i perket ceshtjes se homazheve publike…Xhoda shquhej per diskrecion ne jeten e vet. Vullneti i tij ish qe dhe ne jeten e pertejme t’i prezervohej ky diskrecion.
E kuptojme dhe vleresojme qe dashamires te tij jane te dhembur per shkak te largimit te tij, por ne gjykojme se dhimbja eshte personale dhe duhet vuajtur si e tille.
Nuk ka te beje me arsye zhgenjimi prej sistemit apo politikes – nuk eshte as rasti dhe as koha per refleksione te tilla.
Neve na eshte shuar drita e diellit mbi shtepi, nuk mendojme per perceptime publike apo politike.Me shume mirenjohje e perzemersi…”, shkruan Bora Ferri.
/DRONI.al/
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
