Lajmi për largimin e dukëve të Sussex nga familja mbretërore angleze duket se ka irrituar së tepërmi Buckingham Palace.
Sipas një korrespondenti të Bbc as vetë mbretëresha nuk kishte dijeni për këtë vendim. Debate të shumta ka pasur në rrjetet sociale ku përdoruesit e internetit janë ndarë në pro dhe kundër vendimit të çiftit.
Ka nga ata që flasin për një ‘Megxit; duke ju referuar Brexit, por ka edhe nga ata gjithmonë si Piers Morgan, që nënvizon që ‘Meghan më parë largoi babain e saj dhe familjen e saj, më pas largoi Harry nga William, pra princin e Royal family’. Shumë kanë shkruar që ‘Meghan Markle has ruined the royal family’, ‘Meghan Markle ka shkatërruar familjen mbretërore’.
Princi Harry dhe Meghan Markle në një njoftim të bërë dje thanë se heqin dorë nga ‘roli i tyre‘ si anëtarë të familjes mbretërore britanike për të pasur ‘pavarësi financiare’ maksimale në aktivitetet e tyre publike dhe bamirëse.
Njoftimi, i konfirmuar nga Buckingham Palace, është dhënë nga vetë dukët e Sussex në profilin e tyre Instagram.
/DRONI.al/
