Ministria e Jashtme shqiptare vë në dispozicion numra kontakti për të gjithë shtetasit shqiptarë në Iran dhe Irak ndërkohë që ka dhënë udhëzimet e nevojshme se si duhet të veprohet ne rast rreziku.
“Pas ngjarjeve të fundit të ndodhura Ministria për Evropën dhe Punët e Jashtme e Republikës së Shqipërisë i bën thirrje të gjithë qytetarëve shqiptarë që të shmangin udhëtimet në drejtim të Lindjes së Mesme, ne vendet me tensione të përshkallëzuara, Iran, Irak.
Shtetasit shqiptarë që aktualisht ndodhen në Iran ose Irak dhe qe kanë nevojë për asistencë, janë të lutur të kontaktojnë Ambasadat e Republikës së Shqipërisë në Kuvajt dhe ne Turqi në adresat:
Kuvajt (Kuwait City):
Celular: +96594048219
Office Phone: +965 2524 0627,
E-mail: embassy.kuwait@mfa.gov.al
——————————
Embassy of the Republic of Albania to the State of Kuwait
Salam Area, Block 7, Street 717, Villa 4, Kuwait
P.O.Box. 3090, Safat-13031, State of Kuwait
Turqi (Ankara)
Tel: +90 312 441 61 03 / 04
Celular: +90 549 561 1985)
Email: embassy.ankara@mfa.gov.al
——————————
Embassy of the Republic of Albania in Ankara
Adress: Ebu ziya Tevfik sok. No.17 Çankaya/Ankara
Tel: 0090 312 441 61 03
, përfundon deklarata e ministrisë së Jashtme.
42 shtetas shqiptarë ndodhen në zonën e prekur nga konflikti i ditëve të fundit mes SHBA dhe Iranit, por asnjë bashkëkombas nuk është prekur nga sulmet e deritanishme. Ministria e Jashtme tha sot se vetëm një shqiptar i punësuar nga NATO është evakuar nga zona problematike në Bagdad, ndërsa personeli tjetër është i sigurt.
Asnjë shqiptar nuk është plagosur nga sulmet me raketa balistike të Iranit ndaj dy bazave amerikane në Irak.
Sipas burimeve të Ministrisë së Jashtme, në Erbil të Irakut, ku ndodhet një prej bazave amerikane të sulmuara, ndodhen 30 shtetas shqiptarë.
Ata janë personal civil dhe jo pjesë e misionit trajnues të NATO-s.
Mësohet gjithashtu se në kryeqytetin e vendit në Bagdad, ka 12 shtetas shqiptarë. Edhe për ta konfirmohet se nuk ka të plagosur.
I vetmi i punësuar në misionin e NATO-s, një specialist buxheti, është jashtë rrezikut pasi është evakuuar para fillimit të sulmeve nga ana e Iranit.
Më herët edhe Ministria e Mbrojtjes ka njoftuar se në Irak nuk ka personel ushtarak shqiptar.
Është ende i paqartë dëmi i shkaktuar nga sulmet iraniane, por mediat ndërkombëtare thonë se agjencitë e zbulimit të Irakut i kanë lajmëruar forcat amerikane paraprakisht, duke u dhënë mundësi të largohen dhe të strehohen në bunkerë.//Droni.al
