Teksa vijojnë hetimet për vrasjen e 37-vjeçares shqiptare, Brunilda Sadushi Kovaçi në Francë, detaje të reja kanë dalë në dritë të cilat zbërthejnë atë çfarë ndodhi natën e Krishtlindjeve në Mugins në afërsi të Kanës.
Sipas mediave franceze është zbuluar autori i ngjarjes kriminale, dhe bëhet fjalë për një 28-vjeçar që jetonte në mes Kanës dhe Le Cannet dhe punonte si shofer kamioni i cili është arrestuar që prej ditës kur ka kryer krimin .
Ai ka tereguar para autoriteteve krimin e bërë ndërsa ka thënë se në ato momente kishte ‘humbur arsyen’. Gjatë një daljeje për shtyp, prokurori i çështjes, Fabienne Atzori, konfirmoi se i dyshuari 28 vjeç, kishte pranuar se kishte vrarë nënën me një fëmijë të mitur gjatë natës së 24-25 dhjetorit pas një mosmarrëveshje që kishte patur me të.
Sipas prokurorit, i riu nga Kana kishte paguar për të kryer marrëdhënie seksuale me shqiptaren të cilën më pas e vrau dhe e transportoi në Mougins, rreth 9 kilometra larg, ku edhe u gjet e zhveshur dhe e djegur pjesërisht.
‘I riu pranoi se e kishte takuar viktimën në 24 dhjetor natën, pasi kishte kryer marrëdhënie seksuale me të, pasi për shkaqe që do të konfirmohen më vonë humbi arsyen e tij, e kishte mbytur atë dhe pasi kishte bërë këtë veprim zgjodhi ta transportonte viktimën në një vend që ai e dinte se ishte i përshtatshëm që të zhdukte trupin ‘ tha prokurori.
Ai tregoi se e njihte viktimën si një klient i rastit por ajo çfarë I ka habitur jo pak autoritetet ka të bëjë me deklaratën e e tij pasi tha ka patur me viktimën një marrëdhënie gati miqësore.
Fabienne Atzori e ka përshkruar autorin si një djalë të ri me precedentë të mëparshëm penal por nuk zbuloi identitetin e tij. Një autopsi e viktimës pritet të kryhet të hënën, ndërsa prokurori tha se deklaratat e të dyshuarit ‘ janë në përputhje me vëzhgimin mjeko-ligjor paraprak.’.
Mediat franceze teksa publikuan lajmin për shqiptaren, shkruanin se ajo u gjet e vrarë në një park në Mougins të Francës. Trupi i gruas shqiptare, që mendohet se ka qenë prostitutë, u gjet pjesërisht i djegur dhe i zhveshur në ditën e Krishtlindjeve.
Sipas grupit hetimor, ndër shenjat dalluese që çuan në identifikimin e viktimës, ishte një tatuazh në krahun e saj, me emrin e një mashkulli shqiptar.’La provence’ shkruante se një person është arrestuar dhe ndodhet në paraburgim, ndërsa nuk dihet nëse është një nga klientët e 37-vjeçares, apo tutori i saj.
