Policia arrestoi kengetarin e njohur Aleksandër Gjoka dhe Gjykata e liroi duke i vendosur masen detyrim paraqitje.
Sipas policise, kengetari kishte konsumuar alkool dhe po ngiste automjetin, në masën 0.66 mg/l, por nderkohe që shtetasi konsiderohet në gjendje të dehur kur testi del mbi 0.5 mg/l.
Por duke theksuar disa herë se ky ishte një rast i veçuar, Gjoka ka kërkuar nga trupi gjykues ta linte në masë sigurie “detyrim paraqitje”, duke marrë parasysh edhe koncertet që ka të rezervuara me rastin e Krishtlindjes dhe Vitit të Ri.
Aleksandër Gjoka është lënë i lirë, por duhet të paraqitet të hënën e parë dhe të tretë të muajit.
Pas arrestimit të Gjokës, reagoi edhe nënkryetari demokrat, Edi Paloka me një status në FB.
“E paskan kapur “kriminelin” … Policia nxjerr njoftim se paska arrestuar Aleksandër Gjokën pasi e ka gjetur me 0.66 mg alkool!!! Të turpshëm ! Qenka kapur Sandri me 0.66 miligram alkool…!!! Ketu kryeministri i vendit pallohet me kokainë dhe po i bën gjithë të zezat e mundshme shqiptarëve, Sandër Lleshi arreston Sandër Gjokën! Nxjerrin dhe njoftim sikur të kenë arrestuar ndonjë kriminel të rrezikshëm. Të pafytyrë. Partia e laertëve…” shkruan ai.
/DRONI.al/
