Gjykata e Fierit ka vendosur masën e arrestit me burg për gardianin Martin Skëndaj, i cili vrau me armen e shërbimit dy kushërinjtë çuna tezesh 22 dhe 26 vjeç, Elis Kapaj dhe Manol Rrapaj.
Shkak për vrasjen e dyfishtë është bërë një histori dashurie mes Rrapajt dhe motrës së autorit, që nuk ishte pranuar nga familja e kësaj të fundit.
Përpara policisë, Skëndaj ka pranuar krimin dhe ka konfirmuar se motivi i masakrës ishte një lidhje intime mes fqinjit të tij Manol Rapaj dhe motrës së tij.
Mesohet se Skëndaj bënte fajtor Rapajn për divorcin e motrës së tij nga bashkëshorti.
Martin Skëndaj dhe Manol Rrapaj ishin fqinj me njeri-tjetrin në fshatin Kuqar të Patosit. Dy familja dyert e të cilave ndahen nga një gardh tashmë i druhen fort hakmarrjes. Ngjarja e rëndë e ka zanafillën muaj më parë, kur familjet Skëndaj dhe Rrapaj kanë zbuluar një lidhje dashurie mes vajzës së familjes Skëndaj dhe Manol Rrapaj.
/DRONI.al/
