Dy muaj më parë bëri bujë në media lajmi se tre vajzat më bukuroshe të showbizit, moderatorja Einxhel Shkira dhe modelet Kejvina Kthella e Oriola Marashi ishin përfshirë në një sherr.
Motivi i sherrit nuk u mësua kurrë ndërkohë që aludimet ishin të shumta. E ftuar tek “Rudina”, Einxhel Shkira bëri hapin e madh drejt pajtimit duke u shprehur se i ka falur dhe shpreson që edhe ato të mos kenë urrejtje.
Rudina: Kisha edhe një pyetje tjetër, por më vjen keq ta prish shijen e bisedës, për një titull portalesh, një zënkë, them të mos e prekim, si thua?
Einxhel: “Në fakt dua të them një gjë Rudina. Unë jam shumë feministe, njerëzit e dinë këtë. Gjithmonë jam përpjekur që femrat t’i ndihmoj, jam përpjekur të eci krah për krah, nuk kam xhelozi për asnjë femër sepse në momentin që do kem xhelozi i bie të kem mangësi tek vetja. E dua aq shumë veten time sa nuk mendoj se kam mangësira. Edhe nëse kam diçka ndryshe nga tjetri, është një cilësi e imja. Dikush vrapon më shpejt se unë, dikush më avash.
Jam njeri i avashtë, por ndonjëherë të jesh i avashtë nuk është gjë e keqe se mund të shpëtoj nga shumë gjëra të tjera. Nuk kam asnjë kompleksitet ndaj femrave të tjera, nuk dua t’i prish punë, as t’i bëj të ndihen keq, as të fus intriga. Çfarëdo që ka ndodhur, unë gjithë njerëzit i kam falur dhe nuk ushqej urrejtje për njerëzit. Do më dhimbseshin nëse do vazhdonin edhe ato në zemrat e tyre të ushqenin urrejtje dhe të kishin dëshirën për të më bërë keq. S’mund ta mbushësh zemrën tënde me një ndjesi aq të keqe, ndërkohë që ka aq ndjesi të bukura”.
