SHENIM/ Per korrupsionin ne Shqiperi

Nga Clirim Gjata

Sot është dita ndërkombëtare e luftës kundër korrupsionit. Gjatë gjithë ditës nuk pati asnjë reagim qeveritar për këtë, asnjë organizim i shoqërisë së pafundme civile në këtë ditë. Vetëm disa media portale e kujtuan, për të cilat uroj të mos akuzohen për panik përhapëse.

Profesori i njohur kosovar i të drejtës Esat Stavileci, pat paraqitur një përkufizim juridik për korrupsionin:“Korruptimi juridik paraqet shkelje të rendit kushtetues, për shkak se godit garancitë kushtetuese për liritë dhe të drejtat e njeriut dhe të qytetarit…”.

Me të drejtë qytetarët mund të pyesin: a merr pjesë Qeveria Shqiptare në këtë luftë botërore të paktën në një ditë të vitit. Që të marrësh pjesë në luftën kundër korrupsionit duhet të jesh pjesë e luftës. Por Qeveria Shqiptare ka zgjedhur anën tjetër të barrikadës, atë të investimit të korrupsionit dhe ngritjes së tijë në sistem.

Sot, problemi i korrupsionit në Shqipëri nuk është më thjeshtë juridik-penal. Ai ka kalur në nivel politik shtetror. Është kthyer në politikë të Qeverisë dhe të Kryeministrit Rama. Pra Qeveria Shqiptare dhe Kryeministri, gjithshka që bëjnë e bëjnë jo në funksionit të zhvillimit të vëndit, por në funksion të korrupsionit. Asnjë reformë a investim në vend nuk bëhet po nuk pati interesa korruptive. Interesa këto që varijojnë në formë piramidalë nga Kryeminsitri në majë deri te nëpunësit e thjeshtë zbatues në bazë.

Ka kaq shumë shëmbuj korrupsioni qeveritar sa, do të na kapte dita e vitit të ardhshëm e luftës kundër korrupsionit. Por në mënyrë të koncentruar po japim përfundime që në fund të fundit janë institucionale.

-Shqipëria vendi më i korruptuar ne ballkan sipas DASh(Dep.Am.Shtetit);
-Vendi i tretë më i korruptuar në botë sipas BB(Banka Botërore);
Dhe a dyshon dot kush në seriozitetitn e këtyre institucioneve me peshë botërore, me përjashtim të Kryeministrit tonë, kuptohet.

– KLSH(kontrolli i lartë i shtetit) gjeti vitin e kaluar një dëm ekonomik prej 1,7 mld euro. Fjala dëm ekonomik është shumë teknike, gati-gati përkëdhelëse, prandaj për të qënë më të kuptueshëm, mundësisht edhe për fëmijët, duhet të shtrojmë pyetjen: Ku shkuan këto 1miliardë e 700milionë euro dëm ekonomik?? Shumë e thjeshtë; ku tjetër veçse në xhepat e Edi Rames(pjesa e luanit), qeveritarëve të tij, oligarkëve të lidhur me të. Dhe pyetja tjetër: Kush e pagoi këtë dëm ekonomik?? Përsëri e thjeshtë:qytetarët shqiptarë. Tërmeti i sotëm do të përballohej shumë më lehtë po të mos ndodhte ky 1,7 mld euro dëm ekonomik.

Po nuk mbaron me kaq.
– Dy zyrtarë të PS(partia socialiste) janë të ndaluar për të udhëtuar në USA si të përfshirë në korrupsion të lartë; dhe kush e di se kur mbaron lista me ta.
-Qeveria është e përfshirë në skandale pa fund e megaafera të rënda korruptive ku bie në sy ajo e Astirit(20milion euro për një km.), DH-Albania me dokumenta të fallsifikuara edhe të zyrtarëve të lartë amerikanë, projektin dhe tenderin korruptiv të Unazës së Re, projektin qindramilionësh të rrugës Milot-Balldre, korrupsionin për shëmbjen e Teatrit Kombëtar me ligj të posaçëm dhe sa e sa koncesionet apo PPP të qeverisë. Përse Kryeministri nuk e pranoi propozimin e kryetrit të opozitës Basha, për të ndërprerë koncesionet në mënyrë që të përballohen pasojat e tërmetit? Sepse në bazë të tyre është korrupsioni, ndaj nuk mund ti ndërpresë.

Ekonomia jonë është e prapambetur dhe ka bërë hapa pas në zhvillim pikërisht sepse në themel të saj qëndron korrupsioni me koncesnione dhe PPP. Shikoni shëndetsinë, infrastrukturën, arsimin, papunsinë e lartë, largimin masiv të shqiptarëve nga vendi.
Ish-Kryeministri Britanik, David Cameron, në një publikim të tijë kundër korrupsionit, jep këtë përshkrim:“Korrupsioni është kanceri në zemër të problemve të botës sot”.
Shëmbulli më i mirë i përhapjes së këtij kanceri është Shqipëria. Edi Rama po përpiqet që korrupsionin ta shtrijë në çdo qelizë të shoqërisë e madje deri të qytetari më i thjeshtë. Këtë e bën pikërisht për të shpëtuar vehten e tij duke inkriminuar gjithë shoqërinë(përpjekje jo e para në histori kjo).
Por nuk do t`ia dalë. Solidarizimi i shoqërisë shqiptare në përballimin e pasojave të këtij tërmeti flet për një qytetërim të cilin nuk mund ta mposhtësh as me anë të korrupsionit.

Për të mbajtur këtë sistem Edi Rama ka kapur çdo pushtet kontrollues dhe është kthyer në një sundimtar të rrezikshëm për demokracinë dhe popullin. Opozita shqiptare e kuptoi momentin ku ndodhej vendi, ndaj dhe për të frenuar këtë dogji mandatet dhe shkoi te qytetari; nuk mori pjesë në zgjedhje farsë dhe organizoi protestën më të madhe shqiptare(jo pak por 10 të tilla).
Ndaj dhe beteja e parë që duhet fituar në luftën e gjatë kundër korrupsionit është rrëzimi i Edi Ramës. Ketu fillon. Nuk ka rrugë tjetër.

/DRONI.al/