Çdo gjë duhet ti rikthehet normalitetit dhe jetës, kjo është ajo që propozojnë dekanet e fakulteteve në Tiranë.
Pas tërmetit të 26 nëntorit, ditën e nesërme rifillon procesi mësimor në Universitetin e Tiranës.
Katër dekanë të Fakulteteve të Universitetit të Tiranës kanë shprehur gatishmërinë për të përballuar situatën e krijuar pas tërmetit të 26 nëntorit.
Dekani i Fakultetit Ekonomik, Dhori Kule tha se do të janë 60 studentë ekselëntë në fushën e menaxhimit të riskut që do të jenë në dispozicion të strukturave të shtetit që po merren me menaxhimin e kësaj situate.
Dekani i Fakultetit të Drejtësisë, Artan Hoxha pasi bëri të ditur se godina e këtij fakulteti nuk ka pësuar dëmtime dhe mesazhin që pas kësaj situate të rëndë, jeta vazhdon dhe studentët duhet ti rikthehen mësimit.
Ndërkaq, ndihmë ka dhënë edhe Fakulteti i Shkencave Sociale. Dekani i këtij fakulteti tha se kanë trajnuar mbi 300 punonjës socialë dhe psikologë, të cilët janë përgatitur për të asistuar nëpër shkolla.
Vetëm fakulteti i Mjekësisë dhe ai i Arkitekturës kanë shtyrë zhvillimin e mësimit, duke qene se kane patur dëme të konsiderueshme në godinat e fakulteteve.
/DRONI.al/
