Prezantohet në Prokurorinë e Përgjithshme, kreu i ri i kësaj prokurorie i zgjedhur një ditë më parë nga Kuvendi, Olsian Çela. E pranishme në dorëzimin e stafetës ëhstë dhe prokurorja e përgjithshme e përkohshme Arta Marku.
Marku tha se ndihet e vlerësuar që drejtoi Prokurorinë duke bërë falënderimet e rastit, ndërkohë që uroi Çelën për detyrën dhe u shpreh e lumtur që ia pason një shoku të saj të klasës.
“Ndihem e vlerësuar që drejtova Prokurorinë. Ishin dy vite të vështira për çdo magjistrat. Një falënderim të veçantë për mediat. Roli juaj i pazëvendësueshëm dhe na bën më të përgjegjeshmë për detyrën tonë. Urime prokurorit të ri. Shumë e lumtur që detyrën ia pasoj një shoku tim të klasës”, deklaroi Marku.
Me 101 vota pro, kuvendi votoi kandidaturën e Olsian Çelës si Kryeprokuror për shtatë vitet e ardhshme.
/DRONI.al/
