Kryeministri Edi Rama deklaroi në mbledhjen e qeverisë në mëngjes se duhet të nisë me shpejtësi puna për rindërtimin e banesave pas tërmetit. Ai u bëri thirrje sërish kompanive të ndërtimit që të përfshihen në këtë proces, duke u dërguar jnë mesazh.
Por, duke komentuar keto deklarata, ish-ministri Ylli Manjani sheh një rrezik me nismen e qeverisë, ne dukje ne te mire te qytetareve, per rindërtimin e shtepive dhe banesave.
Ky koncept nuk duhet lene me kaq thotë Manjani, pasi Rama po tenton te ndertoje një model, i cili nuk ka per te lene lehtë. Sipas tij, modeli që ndërtohet është: shtëpi të re që ta dhuron pushteti. Në emër të Rindërtimit do mbyllen shumë gropa të hapura në memorien e njerëzve e bashkë me to edhe gojët kritike, që janë elementi i fundit i mbetur i asaj pak shoqërie demokratike që ka mbetur”,-thote Manjani.
“Kush mendon se Edi Rama preku fundin e tij politik me këto shfaqje të shëmtuara mediatike, e ka gabim.Totalisht gabim!
Shfaqet e shëmtuara të tipit big brother që Ai bën, janë instrumenti për të harruar të ligat që i ka bërë këtij vendi. Janë instrumenti që i bën njerëzit të harrojnë se pati tërmet dhe aspak shtet.
Fillimisht u hoq si i goditur nga tërmeti, pastaj si viktimë e fatkeqsisë, në vijim si viktimë e lajmeve të rreme, pastaj si vendimmarrës i flaktë dhe tani si rindërtues.
RINDËRTIMI është karta e re elektorale e tij. Mbaroi punë me Rilindjen, pasi rilindi çdo gjë që mundi nga sistemi komunist. Akti i fundit i rilindjes ishte sulmi politik ndaj Agron Tufës,i cili kërkon azil për t’u mbrojtur nga sulmi komunist që tashmë ka rilindur!!!
Tani udhëheqësi flet për RINDËRTIM. Nuk ka rëndësi se me ç’para, apo me ç’burime! Me Gjushin e me kë të mundet. Duhet RINDËRTIM!
E përkthyer në terma praktikë: shtëpi të re që ta dhuron pushteti. Në emër të Rindërtimit do mbyllen shumë gropa të hapura në memorien e njerëzve e bashkë me to edhe gojët kritike, që janë elementi i fundit i mbetur i asaj pak shoqërie demokratike që ka mbetur.
Model i njohur ky në Rusi dhe Turqi. Putin dhe Erdogan janë rikatapultuar bash pas fatkeqsive si kjo e jona. Turqia dhe Rusia janë shtetet me numër çështjesh më të lartë në Gjykatën e Strasburgut sa i takon lirisë së shprehjes dhe procesit të rregull ligjor.
Lotët e krododilit, solidariteti i shtirur, dajaku në emër të fatkesisë dhe shfaqja e Bosit si çelësi i zgjidhjes janë instrumete të njohura. Prandaj kujdes!Nuk është kaq e thjeshtë me këtë model politik.Asnjëherë nuk vetëbien këto modele”-shkruan Manjani.
//DRONI.al/
