Ka disa ditë që rrjeti zien nga historia e kampionit të boksit Klevis Celaj, i cili jetonte mes varfërisë dhe kushteve të vështira.
Pavarësisht mënyrës së jetesës, i riu ia kishte dalë të rrëmbente titullin e më të mirit të botës, ndërsa tha se shpërblimi ishte qesharak, rreth 140 mijë lekë te vjetra.
Por ka një lajm të mirë pas gjithe kesaj historie të prekshme: sensibilizmi mediatik mund të bëjë cudira të mëdha.
Në një lidhje telefonike në emisionin “Historia ime”, drejtori i Departamentit të Sportit në Vlorë, Viron Toska u shpreh se bashkia e Vlorës ka marrë të gjitha masat, që në të ardhmen Klevisi të jetë pjesë e Flamurtarit.
“Sepse deri tani nuk ka qenë, ka qenë pjesë e Vllaznisë së Shkodrës. Duke u futur në buxhetin e ri do të jetë pjesë e Flamurtarit dhe do të marrë një pagë maksimale si të gjithë kampionët që janë në klub”, tha ai.
I pyetur nga Mirela Milori sesa do të marrë saktësisht, ai u përgjigj 62 mijë e 500. Pa i fshehur emocionet, Klevisi u shpreh se paratë e para që do të marrë, do t’i përdorë për të rregulluar shtëpinë e tij.
//DRONI.al/
