Presidenca ka ndërmarrë hapin e radhës duke bërë një kallëzim në Prokurori ndaj zyrtarit që dyshohet se ka shantazuar zëdhënësin e Metës.
Ende jo e konfirmuar zyrtarisht, raportohet se zyrtari është nga ambasada italiane në Tiranë. Këto informacione janë treguar nga analisti Lorenc Vangjeli në emisionin “Opinion”, i cili sqaroi se zyrtari që përmendi Presidenti Meta për shantazh ndaj zëdhënësit të tij, është i ambasadës së Italisë.
“Nuk bëhej fjalë për ambasadën amerikane, bëhet fjalë për ambasadën italiane. Është një zyrtar i lartë i ambasadës italiane, sapo është bërë padia në Prokurori. Bëhet fjalë për një telefonatë të bërë ndaj z.Blushi pak çaste pasi ai ka nxjerrë statusin e parë”, tha analisti Lorenc Vangjeli.
Po te njejten informacion dispononte dhe gazetari Bledian Koka, i cili ne nje studio televizive tjetër të Ora News, lançoi se zyrtari ishte nga ambasada italiane.
Më herët gjatë ditës së sotme, Presidenti Ilir Meta deklaroi se zëdhënësi i Presidencës Tedi Blushi u shantazhua nga një zyrtar i një ambasade për një postim në Facebook të cilit i kërkoi që ta fshinte brenda 30 minutash.
//DRONI.al/
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
