Besnik Muçi u është përgjigjur interesit të mediave lidhur me vendimin e fundit të KPA-së për shkarkimin si prokuror.
Edhe pse Muçi eshte dekretuar nga Presidenti Ilir Meta si anëtar i Gjykatës Kushtetuese, situata tani komplikohet dhe futet në një ngërç me te madh.
Vetë Muçi ka shpjeguar sipas tij shkaqet, duke falenderuar dhe mediat që kanë raportuar hap pas hapi gjithë procesin ndaj tij.
“Shkaku i parë i ankimit është diferenca financiare të 4 vitet, 2003-2006 në shumë e 6 mln lekë të vjetra. Të llogaritura sipas Komisioneri Publik dhe të pranuar nga KPA në kundërshtim me ligjin.
Shkaku i dytë është mosdeklarimi i tokës bujqësore që bashkëshortja ime ka marrë në pronësi në vitin 1991. Bashkëshortja ime është larguar nga familja para 22 vitesh, është një pasur me burim të ligjshëm.
Shkaku tjetër i ankimit ka qenë mosdeklarimi i një banese, të ndërtuar në vitin 1985, të ndërtuar nga familja e bashkëshortes, kur ajo ka qenë e mitur. Ai truall 170 metër në atë fshat e ka sot vlerën 200 mijë lekë. Një shkak ankimi për 40 mijë lekë të vjetra.
Të tjera shkaqe ankimi ishin huatë e marra nga familja ime. Huaja e marrë nga babai, vëllai e motra ime, nga xhaxhai im, 400 mijë lekë të reja, të cilat unë i provova tej çdo ndryshimi. Deklarova që familja ime ka pasur të ardhura të tjera përveç tokës bujqësore”, deklaroi Muçi teksa më tej shtoi:”Vendimi i Kolegjit të Posacem te Apelimit nuk ka efekt mbi mua. Në momentin që kam bërë betimin para presidentit si anetar i Gjykates Kushtetuese e kam humbur statusin e prokororit dhe kolegji nuk ka pasur më kompetencë të shqyrtojë dosjen time”.
“Mëkati i vetëm se aplikova për anëtar të Gjykatës Kushtetuese.Mëkati tjetër e bëri zoti Dvorani më listoi i treti në listë, për vakancat e Presidencës dhe Kuvendit.Mëkatin tjetër e bëri Presidenti Meta që më emëroi anëtar të Gjykatës Kushtetuese. Ku qëndron problemi im në këtë lloj situate, cfarë mund të bëj një jurist që ka besim te institucionevet e vendit të tij dhe kërkon të bëjë karrierë duke respektuar dhe procedurat institucionet?”,-tha ndër të tjera ai.
vijon..
//DRONI.al/
