Arrestohet një tjetër person i shpallur në kërkim në kuadër të operacionit policor të koduar ‘Rodoni’, i cili çoi në pranga ish-zyrtarë e zyrtarë të ish-Hipotekës dhe Kadastrës Durrës në tetor të këtij viti.
Në pranga ka rënë shtetasi A.R., 32 vjeç, banues në Katund i Ri, Sukth. Për këtë shtetas Gjykata e Shkallës së Parë Durrës, ka caktuar masën e sigurisë “Arrest me burg” për veprën penale ” Përvetësimi i parave ose mallrave që rrjedhin nga vepra penale ose veprimtaria kriminale”, e kryer në bashkëpunim.
Më herët gjatë operacionit u arrestuan 18 persona dhe u shpallën në kërkim 3 të tjerë. Ata akuzohen për tjetërsimin e 68 mijë metër katrorë tokë në zonën bregdetare.
Vijon puna për kapjen e personave të tjerë të shpallur në kërkimMaterialet i kaluan Prokurorisë së Rrethit Gjyqësor Durrës për veprime të mëtejshme.
//DRONI.al/
