Dokumentat e gjetura në automjetin e prokurorit të Durrësit, nuk kanë lidhje me ata të vjedhura muaj më parë në Prokurorinë e Durrësit.
Informacionin e kanë konfirmuar burime nga grupi hetimor, i cili që prej datën 1 nëntor heton në lidhje me dosjen e atentatit ndaj prokuririt Arjan Ndoj, Aleksandër Lahos dhe Andi Malokut.
Më herët dhe vetë Ndoj nga spitali i Durrësit kishte mohuar vërtetësinë e këtij lajmi që qarkulloi me shpejtësi në media, duke u shprehur se nëse kjo do të ishte e vërtetë do ishte arrestuar mënjehërë nga autoritetet.
Të njëjtat burime deklarojnë se akoma janë në pritje të rezultateve të analizave të ADN-së, të cilat akoma nuk kanë mbërritur.
Sipas mediave, dy të plagosurit, Arjan Ndoj dhe Aleksandër Laho pritet të dalin gjatë ditës së sotme nga Spitali Ranonal i Durrësit, pasi gjendja e tyre është përmirësuar.
//DRONI.al/
