Inspektorati Kombëtar i Mjedisit dhe Territorit ka arritur të shembë mëngjesin e sotëm dy banesa të tjera në zonën e Astirit, që preken nga projekti i Unazës së Re.
Aksioni ka nisur prej orëve të para të mëngjesit, ndërsa zona është blinduar nga policia, për shkak se mund të shoqërohet me përplasje, pasi banorët kundërshtojnë prishjen e banesave të tyre.
Megjithatë, punonjësit e IKMT kanë arritur të shembin dy banesa dy katëshe, ndërsa kanë publikuar edhe pamjet e aksionit.
“IKMT ka prishur sot dy objekte dy kateshe ne zonen e “Astir”…”, thuhet në njoftimin e IKMT.
https://www.facebook.com/893685447319839/videos/1708241982644112/?t=5
Një pjesë e banorëve nuk kanë pranuar dëmshprëblim nga shteti duke e quajtur vlerësimin si abuziv dhe jo në vlerën e tregut, ndërsa disa të tjerë kanë deklaruar se shteti nuk iu ka ofruar fare kompensim.
//DRONI.al/
