Ish-deputeti Genc Pollo ka reaguar pas lajmit se Mal i Zi ka refuzuar shengenin Ballkanik, ide e iniciuar per te lejuar levizjen e lirë per zhvillimin e tregtisë.
Pollo thotë se ky eshte qendrim i sinqertë dhe shton këtu se synimet e shpallura realizohen nga marrëveshjet ekzistuese. Polli liston disa probleme qe lindin nga minischengen-i, ndërsa kujton dhe premtimet e pambajtura të kryeministrit Edi Rama.
“Qendrimi më i arsyeshëm, i sinqertë e i ndershëm në nivel qeverie deri tashti vjen nga Mali i Zi. Qartë e shkoqur thuhet se “marrëveshja mini shengen” e iniciuar nga Vučić e Rama është e panevojshme pasi të gjitha synimet e shpallura realizohen nga marrëveshjet ekzistuese.
Ato tregtare realizohen nga CEFTA. Me pak përjashtime qytetarët në Ballkanin Perëndimor i kalojnë kufijtë duke treguar letërnjoftimin. Aty ku duhet akoma pashaporta problemi zgjidhet me marrëveshje dypalëshe pa qenë nevoja për “akord ballkanik”
Për të njohur diplomat e lejet e punës përsëri nevojiten marrëveshje dypalëshe. Përsëri “akordi ballkanik” me emrin vanitoz MiniSchengen del i panevojshëm.
Problemet që sjell:
1-Mund të frakturojë politikisht Ballkanin pasi Kosova, Mali i Zi e Bosnja nuk marrin pjesë. Kosova rezulton më e dëmtuara pasi përjashtohet jo vetëm nga shteti i Serbisë por edhe nga Shqipëria e Maqedonia V.
2-Marrëveshje tregtare ekstra mes Beogradit, Tiranës e Shkupit fill pasi Serbia aderoi në Unionin Tregtar Euroaziatik të udhëhequr nga Moska është problmatike. Jo vetëm për pikëpyetjet gjeopolitike por sepse vë në diskutim marreveshjet tregtare me BE (MSA), të cilat duhet medoemos të kenë precedencë
P.S. Për kujtesë: kur Rama vizitoi Vučićin në Beograd në v. 2016 na njoftoi se Serbia kishte pranuar njohjen e diplomave të Shqipërisë. Edhe kjo doli gënjeshtër”,-shkruan Pollo.
//DRONI.al/
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
