Dy persona kanë mbetur të plagosur si pasojë e një tjetër aksidenti që ka ndodhur në zonën e Krastës në Elbasan.
Sipas policisë, 24 vjeçari E.M nga Yzberishti ka humbur kontrollin e makinës dhe ka dalë nga rruga. Burimet bënë me dije se të plagosur kanë mbetur shoferi si dhe një 20-vjeçare, e cila ishte pasagjere në mjet.
“Për pasojë është dëmtuar vetë drejtuesi i mjetit dhe pasagjeria Elda Samurri , 20 vjeçe, banuese në Elbasan, e cila ndodhet nën kujdesin e mjekëve dhe eshte ne gjendje te rende”, sqaron policia.
Policia arrestoi 24-vjeçarin, ndërsa materialet hetimore i kaluan Prokurorisë pranë Gjykatës së Shkallës Parë Elbasan, për veprën penale, “Shkelja e rregullave të qarkullimit rrugor”.
//DRONI.al/
