Kryeministri Edi Rama, ditën e sotme deklaroi hapur në formën e një paralajmërimi se po hartonte një ligj special për shkatërrimin e KCK-së siç u shpreh ai dhe per të dënuar krimin.
Mirëpo, eksperti i drejtësisë, e kap deklaratën e Ramës nga ana profesionale, duke evidentuar disa prej ngërçeve që lindin nga kjo gjë.
Sipas, Ylli Manjanit, Kryeministri nuk ka atribut kushtetues e ligjor të flasë për detyra të Prokurorisë dhe Gjykatës. Ai madje më tej shton se këtë e ben per t’u dukur sikur po plotëson kushtet.
KOMENTI I MANJANIT
Pra “do bëjë një ligj të ri që të dënojë KçK-istat”- thotë udhëheqësi suprem.
Le ti lëmë mënjanë konsideratat juridike, sipas të cilave ligjet e reja nuk ndëshkojnë dot krimet e vjetra. E lëmë mënjanë edhe Kushtetutën edhe Konventën Europiane të të drejtave të njeriut.
E lëmë mënjanë edhe përvojën tejet domethënëse, se si u zgërlaq dekreti i Presidentit Berisha në 1996, sipas të cilit propozohej pak a shumë kjo që do të bëjë ky i sotmi. (Mesaduket kur ju vjen ora e largimit këpusin të gjithë të njëjtat kopaçe)…
Pra ti lëmë të gjitha mënjanë, prap mbeten disa pyetje:
1. Cili ligj nga këto që janë sot në fuqi ndalon ndëshkimin apo mbron KçK-istat e gjyqsorit e të qeverisë?!
2. Ç’është kjo thirrje e përsëritur publike, “do bëj namin”?! Mos është ftesë për kriminelët që të fshihen? Apo të ndreqin letrat?!
3. Me ç’atribut kushtetues e ligjor Kryeministri flet për detyra të Prokurorisë e të gjyqsorit? A janë vërtetë të pavarura këto?!
4. Sa persona në kërkim janë rrugëve dhe përse policia e Kryeministrit nuk i kap?!
5. Kush ja ka ndalur ligjet deri më sot? I ka bërë si i ka dashur. Mos po përpiqet të bëjë ligje që tu thotë të huajve që “i plotësova kushtet”?!
Duket si propogandë, apo jo?!
