Duke marrë shkas nga veprimi i fundit me Bashkinë e Tiranës me vendosjen e fotove të personazheve nga historia e luftërave në vendin tonë, ka ardhur një reagim nga ish-deputeti Bardh Spahia.
Ai e krahason kete veprim me SHBA-në, ku thotë se aty perkujtohen viktimat e rënë nga komunizmi,ndersa ne Shqipëri ai i quan glorifikim të figurave gjakatare.
POSTIMI I PLOTE
Ndodh në SH.B.A.
Departamenti Amerikan i Shtetit: “Sot në Ditën Kombëtare të Viktimave të Komunizmit, ne kujtojmë ata miliona njerëz që humbën jetën nën rregjimet shtypëse komuniste. Ne gjendemi pranë atyre që vazhdojnë të vuajnë në perpjekjet e tyre për liri që duhet ta gëzojnë të gjithë”.
Po në Shqipëri? Në Shqipëri pinjollët e diktaturës komuniste me paturpësinë më të madhe e në mënyrë kriminale glorifikojnë në mes të kryeqytetit tonë figura gjakatare te rregjimit më të egër komunist. Jo vetëm nuk kujtohen e nderohen vuajtjet e viktimave të komunizmit, siç ndodh në SH.B.A. por përdhoset e nëpërkëmbet qëllimisht kujtimi i tyre dhe kontributi i jashtëzakonshëm që ata individë të nderuar, dinjitozë e guximtarë dhanë për atdheun tonë.
Le ti kujtojmë sot e përjetë e të frymëzohemi nga qendresa dhe sakrifica e tyre sublime.
