Andi Maloku ndërroi jetë pas një jave intesive nën kujdesin e mjekëve. Maloku ishte shofer i prokurorit Arjan Ndoja dhe mbeti i plagosur nga dy plumba ditën e atentatit.
Sot janë publikuar detaje nga mediat dhe nga burimet spitalore lidhur me arsyet pse u përkeqësua pernjëheresh.
Burime nga Spitali i Traumës thanë se 24-vjeçari ka shfaqur probleme me frymëmarrjen dhe menjëherë është dërguar në reanimacion, ku është mbajtur për dy orë në terapi intensive.
Sipas Panoramës, mjekët dyshuan për një tromboemboli. Plumbat i kishin dëmtuar të dyja anët e mushkërive dhe dyshohet se për këtë arsye kanë nisur edhe komplikacionet pasditen e djeshme. “Nuk i ndjej më këmbët, ç’më bënë maskarenjtë!”, këto kanë qenë fjalët e fundit në spital të 24-vjeçarit, teksa po e dërgonin për të kryer një skaner.
//DRONI.al/
