Mashtrimet dhe propaganda e kryetarit të Bashkisë në Tiranë vijon të denoncohet nga opozita, aktivistë dhe qytetarë të thjeshtë.
Më e fundit, vjen sot, kur në njoftim për mediat, u tha se bashkia e Tiranës dhe kryebashkiaku Erion Veliaj ka blerë një kompjuter me paratë e gjyqit që ka fituar ndaj ish-deputetes së PD-së, Albana Vokshi.
‘Është vlera e një gjyqi të fituar për shpifje. Dua që ky kompjuter apo edhe të tjerë që do të pasojnë, për ta kompletuar klasën e teknologjisë së informacionit në shkollën ‘16 shtatori’ në Pezë, të jenë edhe një dëshmi e një mentaliteti që duhet ndryshuar’, thuhet në një njoftim të bërë nga bashkia e Tiranës, e drejtuar nga Erion Veliaj.
Duke qenë se ky gjyq nuk ka përfunduar ende, deklarata e sotme e kryebashkiakut të Tiranës është vetëm një mashtrim.
Në lidhje me këtë situatë ka reaguar edhe avokati i Albana Vokshi, Ledio Braho.
‘Lali paska blere serish kompjutera me leke te pretenduara nga nje gjyq i fituar, po vetem ‘drejtesia’ e propagandes se tij merr leke nga vendime te gjykates se shkalles se pare te ankimuara. Jane pikerisht keto lajme qe tregojne se kush eshte shpifesi me i madh ne Tirane…’, shkruan Braho në Facebook.
//DRONI.al/
