Reshjet e shiut këtë të dielë kanë shkaktuar përmbytje në jug të vendit, veçanërisht në qytetin e Sarandës, ku një sërë rrugësh janë bllokuar.
Raportohen për përmbytje dhe në qytetin e Gjirokastrës. Përroi i Ficos, i cili përshkon lagjet e sipërme të qytetit, ka dalë nga shtrati duke bërë që rrugët të pushtohen nga balta por nuk ka vënë në rrezik ndërtesat.
Ndërsa po mbahet në monitorim Përroi i Cullos pasi gjatë natës është përmbytur një banesë
Probleme mund të paraqiten në zonat rurale. Më të rrezikuara nga vërshimet e shpejta janë qarqet e Shkodrës, Kukësit, Lezhës, Vlorës dhe Gjirokastrës.
Sipas parashikimeve, intensiteti i reshjeve do të vijë duke u rritur gjate pjesës së parë të ditës së nesërme dhe do zvogëlohet gradualisht gjatë pjesës së dytë të saj.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
