Ish-deputetja zbërthen motivet: Pse qeveria nuk publikon Projekt-Buxhetin 2020?

Ish-deputetja Jorida Tabaku ka bërë një analizë të arsyeve se pse qeveria nuk ka publikuar ende buxhetin e vitit 2020.

Sipas saj, nje prej arsyeve lidhet me uljen e parashikimeve për rritjen ekonomike, duke kujtuar këtu dhe borxhin e lartë publik që rezulton te jetë 19.6 miliardë euro.

“Paketa fiskale 2020 nuk prodhon asnjë rregullim në lidhje me problemet që hasin bizneset. Janë rregullime të parëndësishme, qoka të qeverisë apo një grupi të caktuar njerëzish me influencë, si fjala vjen qoka për uljen e tatim fitimit në 5% për industrinë fason të makinave ndërsa fasonët e kanë tatim fitimin 15%”,-thekson deputetja duke permendur dhe dështimin me politikat fiskale të cilat po i japin tjetër drejtim ekonomisë.

“Shqiptarët sot duhet të ishin të informuar mbi Projektbuxhetin 2020, kuvendi i Shqipërisë si rregull duhet të kishte hapur diskutimet mbi dokumentin më të rëndësishëm shtetëror në vend. Por, terri informativ dhe i transparencës ka mbuluar si çdo projektligj edhe atë të Buxhetit. Shumë pak njerëz kanë pasur mundësi të lexojnë projektbuxhetin 2020, qeveria është përkujdesur që ta mbajë të fshehur dhe të mos e shpërndajë.

Ajo çfarë kuptohet nga burimet që nxjerrin informacione është se projekt-buxheti ka ulje të parashikimeve për rritjen ekonomike, si dhe nuk përpiqet të trajtojë me seriozitet problemet kardinale të ekonomisë së vendit. Ne sot jemi një nga vendet me borxhin më të lartë publik, të dhënat nga auditimi i KLSH raporton për një buxhet 9,16 miliardë euro dhe prej 69,7 % këtu nuk është përllogaritur vlera e PPP-ve që do ta conte borxhin në 81% të GDP-së. Praktikisht çdo qytetar i vendit duhet të paguajë mbi 3500 euro borxhin publik.

Në kushtet e një ekonomie të drobitur, pa asnjë burim rritjeje alternative, ku rritja ekonomike është kritike buxheti i ri nuk ka prodhaur asnjë incentivë në lidhje me sipërmarrjen. Paketa fiskale 2020 nuk prodhon asnjë rregullim në lidhje me problemet që hasin bizneset. Janë rregullime të parëndësishme, qoka të qeverisë apo një grupi të caktuar njerëzish me influencë, si fjala vjen qoka për uljen e tatim fitimit në 5% për industrinë fason të makinave ndërsa fasonët e kanë tatim fitimin 15%. Asnjë shpresë për biznesin e vogël që sot ka ulur masivisht qepenat, asnjë shpresë për fermerin që sot po hedh produktet në rrugë, asnjë shpresë për studentin që do të vazhdojë të ketë tarifat më të larta universtare me investime gjithnjë e më të ulëta në arsim nga qeveria, asnjë shpresë për punonjësit e për shtresën e mesme që sot po largohet masivisht.

Praktikisht metodologjia e politikës fiskale është njësoj si në këto 6 vjet, selektive, qoka për grupe të vogla biznesesh asnjë masë reale për të nxjerrë nga kriza ekonominë dhe asnjë masë reale për të rikthyer shpresën e besimin! Pesimizmi në ekonomi ka kapluar bizneset, familjet, investimet dhe shanset për një konkurueshmëri në tregun e Investimeve të Huaja Direkte është përherë dhe më i vakët. Projektbuxheti 2020 nuk është incentivues për një rritje ekonomike, madje sipas parashikimeve vërehet se ai nuk përputhet në parashikimin e mbledhjes së të ardhurave as me Buxhetin Afatm-mesëm të qeverisë miratuar një vit më parë.

Ky buxhet thjesht tregon fytyrën e vërtetë të qeverisë sot, arnimin, mungesën e vizionit, mungesën e vullnetit për të bërë ndryshe! Ky buxhet tregon thjesht se kanë hequr dorë nga gjithcka, dhe po mbyllin ciklin qeverisës. Periudhën më të keqe për ekonomitë familjare, periudhën më të keqe për investimet e brendshme dhe të huaja, periudhën më të keqe qytetarët!

Gjithsesi, në këto ditë të turbullta ka ende shpresë! PD sot u ofron qytetarëve një paketë fiskale në shërbim të biznesit dhe qytetarëve, por mbi të gjitha vizionin e një vendi që përthith investime, u jep më shumë para në xhepa shqiptarëve dhe e kthen Shqipërinë në një qendër investimesh të huaja”,-shkruan Tabaku.

KB/DRONI.al

/DRONI.al/