Percaktohet pista e hetimit per atentatin ndaj prokurorit Ndoja

Sipas dëshmisë së Ndojas, ai nuk ishte i targetuari i atentatit, megjithatr prokurorët e Krimeve të Rënda nuk e kanë përjashtuar pistën e parë të hetimit, që konsiston në goditje për shkak të detyrës.

24 ore nga atentati, policia ka kryer në orët në vazhdim shoqërime të 20 shtetasve që kanë probleme me ligjin, apo që kanë qenë të skeduar, duke marrë edhe deklaratat e tyre.

Mes të shoqëruarve që më pas u lanë të  lirë janë Plarent Dervishi, kunati i Lul Berishës dhe Julian Meçe, anëtari i Bandës së Durrësit, mik me Lul Berishën. Të dy të shoqëruarit kishin alibi mbi momentet kur ndërkohë në autostradë automjeti ku udhëtonte prokurori Ndoja po ndiqej nga një tjetër makinë dhe kur brenda pak sekondave, ata u nxorën nga rruga dhe u lanë të plagosur në mbikalim.

Hetimi do t’i rikthehet sërish të plagosurve për të marrë detaje shtesë që do mund të ndihmonin në zbardhjen e mëtjeshme të ngjarjes.

Grupi i hetimit po diskuton mundësinë që pas ekspertizave dhe kqyrjeve të rëndësishme mes tyre edhe ndaj një automjeti të braktisur të gjendur pas atetnatit, ta pyesë prokurorin Ndoja mbi dosjen që ka nën hetim.

E njëjta dëshmi do t’i merret edhe Aleksandër Lahos, i njohur me pseudonimin “Rrumi” e që gjithashtu është i njohur edhe për konfliktet e tokave në gjirin e Lalëzit.