Një surprizë të këndshme ka marrë Anxhela Peristeri, e cila këtë të dielë prezantoi publikun me këngën e saj pjesëmarrëse te ‘Kënga Magjike”, e titulluar “Dikush i imi”.
Pak përpara performancës në “E diela shqiptare”, Anxhela mori një buqetë me trëndafila të kuq dhe një pusullë ku shkruhej: “Po të duash, sot mund ta deklarosh”.
Edhe pse Arditi e pyeti disa herë për identitetin e dërguesit, ajo nuk e zbuloi. “Unë e njoh, shkoni shumë si çift”, shprehet Arditi duke ngacmuar Anxhelën.
“Këto që tha Arditi nuk janë të vërteta, unë jam single”, u përgjigj artistja duke u munduar kështu të mbajë marrëdhënien e saj jashtë vëmendjes së medias.
Kujtojmë se Peristeri e ftuar muajin e kaluar tek “Rudina” pranoi se ishte në një lidhje dhe se kishin në plan bashkëjetesën, e duket se këto janë përpjekjet e saj për ta mbajtur atë sa më private.
K.B/DRONI.al
